पोखरा- गण्डकी प्रदेशमा थप २८ जनामा कोरोना संक्रमण पुष्टि भएको छ ।
प्रदेश क्षयरोग केन्द्र पोखरा, पोखरा स्वास्थ्य बिज्ञान प्रतिष्ठान, राष्ट्रिय जनस्वास्थ्य प्रयोगशाला र भरतपुर अस्पताल चितवनमा गरिएको परिक्षणमा थप २८ जनामा संक्रमण पुष्टि भएको हो ।
थपिएका संक्रमितहरु नवलपरासी पूर्वका १२, स्याङ्जाका ८, वाग्लुङका ३, गोरखाका ३, तनहुँका १ र कास्कीका १ जना रहेको स्वास्थ्य निर्देशनालय पोखराले जनाएको छ ।
नवलपरासी पूर्व र कास्कीका सबै संक्रमितलाई आईसोलेसन राखिसकिएको छ भने गोरखा शहिदलखन गाउँपालिकाको संक्रमितलाई कोरोना अस्पताल, भरतपुर राखिएको छ ।
अन्य जिल्लाका सबै व्यक्तिहरुलाई सम्बन्धित जिल्लाहरुमा रहेका आईसोलेसन कक्षमा लैजाने तयारी भैरहेको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता विनोद विन्दु शर्माले जानकारी दिए ।
२८ जना संक्रमित थपिएसँगै गण्डकी प्रदेशमा कोरोनाबाट संक्रमित हुनेको संख्या ९ सय ९४ पुगेको छ ।