एजेन्सी- दर्शक प्रवेशमा रोक, थुक्न नपाईने, खेलाडीबीच ‘हाइ फाइव’ प्रतिबन्ध र थोरै मात्रामा सञ्चारमाध्यम।
यी नियमका साथ कोरोनामा महामारीपछि यो सिजनको जापानिज बेसबल आज (शुक्रबार) सुरु हुँदैछ।
खेल सुरु गर्न निप्पोन प्रोफेसनल बेसबलले माथि उल्लेखित गाईडलाइन तयार गरेको थियो। गाईडलाइन अनुसार यदि कुनै खेलाडीलाई कोरोना देखिएमा उनीहरु टिमबाट अलग हुनेछन्। र, क्वारेन्टिनमा बस्नुपर्ने छ।
मेको अन्तिममा यी गाईडलाइनबारे प्रस्ताव आएपछि खेलाडीको कोरोना परीक्षण गरिएको थियो। र, महामारीका कारण यो सिनज तीन महिना धकेलिएपछि बन्द रंगशालामा खेल गर्न लागिएको हो।
क्वारेन्टिन कति दिन बस्ने भन्ने कुरा स्वास्थ्य मन्त्रालयले जारी गरेको मापदण्डका आधारमा तय हुनेछ।
खेलाडीमा संक्रमणको लक्षण कस्तो देखिएको छ र देखिएको संक्रमणको जोखिम कति छ भन्ने कुराले उनीहरुको क्वारेन्टिनमा बस्ने दिन निर्धारण गर्नेछ।
साथै जनस्वास्थ्य विज्ञहरुले फ्रोफेसनल सकर्स बेसबल र प्रो सकर्स जे लिगको खेल सञ्चालनका क्रममा कस्ता संक्रमणको जोखिम कम गर्न कस्ता मापदण्ड अपनाउने भने सल्लाह दिने गरेको छ। जे लिग ४ जुलाईबाट सञ्चालनमा आउने छ।