सुर्खेत- रुकुमपश्चिमको चौरजहारी नगरपालिका वडा नं. ८ साेतीमा भएको घटनालाई लिएर जाजरकोटमा पीडित पक्ष र प्रहरीबीच झडप भएको छ।
मृतक ६ जनाको नाक, टाउको तथा शरीरका अन्य भागमा चोटपटक लागेको भए पनि पोष्टमार्टम रिपोर्ट तथा विभिन्न प्रतिवेदनमा कुराहरु छुटाइएको भन्दै पीडितहरु आन्दोलित भएका हुन्।
घटनाको मुचुल्का उठाउँदा र पोर्टमार्टम रिपोर्टमा मृतकको शरीरमा लागेको घाउ तथा चोटपटक प्रहरीले लुकाएको भन्दै मृतकका परिवारले आन्दोलन गरेका थिए।
पोष्टमार्टम रिपोर्ट गलत दिएको भन्दै पीडितहरु अस्पतालमा तोडफोडमा उत्रिएपछि प्रहरीले बल प्रयोग गरेको थियो।
अस्पतालमा तोडफोड हुँदा एक्सरे मेसिनमा समेत क्षति पुगेको जनाइएको छ।