चालू आर्थिक वर्षमा प्रदेश ५ को आर्थिक वृद्धिदर २ प्रतिशतमा सीमित रहने भएको छ।
प्रदेश सभामा आगामी आर्थिक वर्ष २०७७–०७८ को बजेट प्रस्तुत गर्दै अर्थ मन्त्रालयको समेत जिम्मेवारी सम्हालिरहेका मुख्यमन्त्री शंकर पोखरेलले कोरोना महामारीका कारण आर्थिक संकट आएको बताए ।
उनले चालू आर्थिक वर्षको पहिलो चौमासिकको तुलनामा दोस्रो चौमासिक राम्रो हुँदै गएको स्मरण गर्दै पछिल्ला केही महिना भने आर्थिक गतिविधि ठप्प भएकाले आर्थिक वृद्धिमा असर पर्ने बताए । उनले भने, ‘प्रदेश लगानी सम्मेलन आयोजना गरिएको थियो । योजनाहरु कार्यान्वयमा तिव्रता आउँदै. गरेका बेला अचानक कोभिड १९ ले समस्या पार्यो ।’
पोखरेलले विदेशबाट आउनेहरुलाई सुरक्षित रुपमा व्यवस्थित गर्ने सरकारको रणनीति रहेको समेत बताए । उनले तराई झर्ने प्रवृत्ति रोक्दै पहाडमा मानिसको आकर्षण बढ्ने गरी सरकारले काम गर्ने दाबी गरे।
गौतमबुद्ध विमानस्थलले पनि अर्थतन्त्रमा नयाँ तरंग सृजना गर्ने उनको विश्वास छ । विदेशबाट फर्केकाहरुलाई प्राथमिकतामा राखेर बजेट तयार गरिएको उनले जानकारी दिए।