सुर्खेत- कर्णाली प्रदेश सरकारले कोरोना नियन्त्रणका लागि १ अर्ब ५५ करोड बजेट विनियोजन गरेको छ।
आर्थिक मामिला तथा योजनामन्त्री प्रकाश ज्वालाका अनुसार कोरोना महामारीलाई केन्द्रित गर्दै प्रदेशको राजधानी प्रदेश अस्पताल सुर्खेतमा २ सय आइसोलेसन शय्या, ४० शय्याको सघन उपचार कक्ष (आईसीयू) र २० शय्याको भेन्टिलेटरसहितका विशेष सघन उपचार कक्ष बनाइनेछ।
हरेक जिल्ला अस्पतालमा कम्तीमा पचास वटा आइसोलेसन शय्या, कम्तीमा दस शय्याकाेआईसीयू र कम्तीमा पाँच भेन्टिलेटरसहितको सघन उपचार कक्ष तयार गरिने भएको छ।
प्रदेश अस्पताललाई ३ सय शय्याको शिक्षण अस्पताल बनाउने, राकम कर्णालीमा ट्रमा अस्पतालको स्थापना गर्ने, घुम्ती अस्पतालको अवधारणा र दूर स्वास्थ्य (टेलिमेडिसिन) सेवा सञ्चालन गर्ने लगायतका कार्यक्रमसहित स्वास्थ्य क्षेत्रका लागि करिब ९ प्रतिशत बजेट विनियोजन गरिएको छ।