धादिङ- धादिङको नीलकण्ठ नगरपालिकामा थप २३ जनामा कोरोना संक्रमण पुष्टि भएको छ ।
राष्ट्रिय जनस्वास्थ्य प्रयोगशालामा गरिएको परिक्षणमा शनिबार धादिङका २३ जनामा कोरोना पुष्टि भएको सहिद शुक्रराज ट्रपिकल तथा सरुवा रोग अस्पताल टेकुका निर्देशक डा सागरराज भण्डारीले जानकारी दिए ।
उनका अनुसार संक्रमितमध्ये ५ जना महिला र १८ जना पुरुष रहेका छन् । संक्रमितहरु नीलकण्ठ नगरपालिका वडा नम्बर १ का २४, २६, ३५ वर्षीया महिला र २६,३२,२९ वर्षीय पुरुष गरी ६ जना छन् ।
यस्तै वडा नम्बर ४ का २३ वर्षीय पुरुष, वडा नम्बर ७ का ३८, ३२, २५, २२, ६२, ३२, ३२, ४७, ३० वर्षीय पुरुष गरी ९ जना र वडा नम्बर १४ का ३२, ३५ वर्षीया महिला र १८, २०, २५, ४१, ४५ वर्षीय पुरुष गरी ७ जना छन् ।
उनीहरु सबै जना भारतबाट आएर क्वारेन्टाइनमा बसेकाहरु हुन् । क्वारेन्टाइनमा रहेकाहरुको आरडीटी परीक्षणमा एन्टिबडी पोजिटिभ आएकाहरुको गत जेठ २९ गते स्वाब संकलन गरी पीसीआर परीक्षणका लागि पठाइएको थियो ।
थपिएका २३ जना सँगैनीलकण्ठ नगरपालिकामा मात्रै संक्रमित संख्या ३८ पुगेको छ भने धादिङमा संक्रमितको संख्या ८१ पुगेको छ ।