पर्वतको कुश्मा नगरपालिका–३ दुर्लुङस्थित ढकालबारीमा शनिबार राति गएको पहिरोमा परेका ५ जनाको शव भेटिएको छ।
उद्धारमा खटिएका सुरक्षाकर्मीले हिजो राति तीन जना र आज बिहान दुई जनाको शव फेला पारेका हुन्। शनिबार साँझ परेको मुसलधारे वर्षापछि आएको पहिरोमा उनीहरु पुरिएका थिए।
मृत्यु हुनेमा ५८ वर्षका तुलबहादुर थापा, उनकी श्रीमती मीनकुमारी थापा र नातिनी छन्। मृतक अरु दुई जनाको पहिचान खुलेको छैन।
नेपाल प्रहरी, नेपाली सेना र सशस्त्र प्रहरीको टोली हिजो रातिदेखि नै उद्धारमा खटेको छ।
चार जना अझै बेपत्ता छन्।