कर्णालीमा थप १८ जना कोरोना संक्रमणमुक्त

कर्णालीमा मंगलबार एकै दिन १८ जना कोरोना संक्रमणमुक्त भएका छन् ।

कर्णाली स्वास्थ्य विज्ञान प्रतिष्ठान (शिक्षण अस्पताल) जुम्लामा उपचारपछि १८ जना घर फर्किएको प्रतिष्ठानका प्रयोगशाला संयोजक विवेक पुनमगरले जानकारी दिए ।

उनका अनुसार ५ जना सुरक्षाकर्मी, ३ जना स्वास्थ्यकर्मी र हिमागाउँपालिकाका ४ जना, सिंजा गाउँपालिका ६ गरी कुल १८ जना कोरोना संक्रमणमुक्त भएका हुन् ।

योसँगै कर्णालीमा कोरोना संक्रमणमुक्त हुनेको संख्या २९ पुगेको छ । आजसम्म कर्णालीमा ६ सय ७१ जनामा कोरोना पुष्टि भएकोमा ३ जनाको मृत्यु भइसकेको छ ।