विहीबार, साउन २९, २०७७

समाज खेलकुद
1596198215raktadan_(1).png

काठमाडौं– अखिल नेपाल फुटबल संघ (एन्फा)ले सातदोबाटोस्थित कार्यालयमा रक्तदान कार्यक्रम गरेको छ। उसले हिमाल हस्पिटलको सहयोगमा रक्तदान कार्यक्रम गरेको हो।

कार्यक्रममा एन्फाका कर्मचारी, एन्फा समितिका सदस्यहरुले रक्तदान गरेका थिए। मानिसको स्वास्थ्यलाई मध्यनगर गर्दै ब्लड बैंकमा रगतको मात्रा सन्तुलित बनाउन सहयोग पुर्याउने हेतुले रक्तदान गरिएको एन्फाले बताएको छ।

साथै एन्फाले कर्पोरेट सामाजिक उत्तरदायित्वको ख्याल राख्दै स्वयंसेवी काम गरेको समेत बताएको छ। संघले विभिन्न समयमा स्वास्थ्य सहयोगको काम गर्दै आएको छ।

उसले आफूसँग उपलब्ध एकेडेमीको भवन कोरोना महामारीको समयमा क्वारेन्टिन बनाउन सहयोग गरेको थियो भने दुईवटा एम्बुलेन्स पनि ललितपुर महानगरपालिकालाई महाहारीको समयभर प्रयोग गर्न दिएको थियो।

प्रतिक्रिया दिनुहोस्