धनुषामा जिप दुर्घटना हुँदा चालकको मृत्यु, पाँच जना घाइते

धनुषा- धनुषाको सपहीमा शुक्रबार बिहान जिप दुर्घटना हुँदा चालकको मृत्यु भएको छ भने पाँच जना घाइते भएका छन्।

लोहारपट्टी नगरपालिकाको निर्माणाधीन पुलको खाल्डोमा बिहान ५ बजे जिप खस्दा चालकको मृत्यु भएको हो।

ढल्केबरबाट जनकपुरतर्फ तीव्र गतिमा आउँदै गरेको जिप डाइभर्सनबाट नगई अनियन्त्रित भएर पुलको खाल्डोमा खसेको प्रहरीले जनाएको छ।

दुर्घटनामा महोत्तरीको भंगहा नगरपालिका–९ का ४५ वर्षीय चालक दीपक यादवको मृत्यु भएको हो।  इलाका प्रहरी कार्यालय सखुवा, महेन्द्रनगरका अनुसार दुर्घटनामा चालककै परिवारका चार जना र अन्य एक जना गरी पाँच जना घाइते भएका छन्। घाइते पाँचजनाको प्रादेशिक अस्पतालमै उपचार भइरहेको छ।