बाजुरामा क्वारेन्टिनमाबाट भागेर गाउँ प्रवेश गर्न खोज्ने एक युवामाथि स्थानीयले ढुंगामुढा प्रहार गरेका छन्।
जिल्लाको खप्तड छेडेदह गाउँपालिका–२ मालिका मावि ग्रान्जा क्वारेन्टिनबाट भागेर आफ्नो गाउँ पुगेका २५ वर्षीय विरजेत बुढालाई स्थानीयले गाउँ प्रवेशमा रोक लगाएका हुन्।
जिल्ला प्रहरी कार्यालय बाजुराका प्रमुख टंकप्रसाद भट्टराईले क्वारेन्टिनबाट भागेर गाउँ आएका युवालाई गाउँलेले ढुंगामुढा प्रहार गरेर लखेटेको बताए।
भारतबाट बुधबार आएर क्वारेन्टिनमा बसेका ती युवा भागेर गाउँ पुगेका थिए। स्थानीयको अवरोधपछि पुनः क्वारेन्टिन फर्किएको प्रहरीले जनाएको छ।
गाउँलेको ढुंगा प्रहारबाट घाइते बुढाको टाउकोमा पाँच वटा टाँका लाग्ने गरी चोट लागेको जयबोश्वरी स्वास्थ्य चौकीमा कार्यरत अनमी निर्मला बमले जानकारी दिइन्।