काठमाडौं- उपचारका क्रममा बिरामीको मृत्यु भएपछि चिकित्सकलाई हातपात गरेको विरोधमा नेपाल मेडिकल कलेजका चिकित्सक आन्दोलनमा उत्रिएका छन्।
हातपात गर्नेलाई कारवाही गर्नुपर्ने र सुरक्षाको प्रत्याभूति हुनुपर्ने माग गर्दै मेडिकल कलेजका चिकित्सकले कालोपट्टी बाँधेर आन्दोलन थालेका छन्।
नेपाल मेडिकल कलेजमा उपचाररत महिलाको गत शनिबार मृत्यु भएको थियो।
आवासीय चिकित्सक डा. गुन्जन खड्काले अस्पतालको आकस्मिक सेवा र फिभर क्लिनिकबाहेक अन्य सेवा ठप्प गरी आफूहरु आन्दोलनमा उत्रिएको बताए।
मृतकका आफन्तले चिकित्सकको लापरवाहीका कारण मृत्यु भएको भन्दै उपचारमा संलग्न चिकित्सकलाई गालीगलौज गर्दै लात्ती र मुक्का प्रहार गरेका थिए।
उक्त समयको सीसीटीभी फुटेज गायब पारिएको आरोप लगाएका छन्। चिकित्सकले ७२ घन्टाभित्र सीसीटीभीको फुटेज ननिकालिए र घटनाका दोषीलाई कारबाही नगरिए प्रशासनमा तालाबन्दी गर्ने चेतावनी दिएका छन्।