कोरोना भाइरसबाट संक्रमित भई भैरहवाको क्रिमसन अस्पतालमा उपचाररत गुल्मीका ४१ वर्षीय शिक्षकको मृत्यु भएको छ।
केही दिनदेखि भेन्टिलेटरमा राखिएका उनको आज बिहान मृत्यु भएको हो।
गुल्मीको कंगे देउराली आधारभूत विद्यालयका प्रधानाध्यापकसमेत रहेका उनको मृत्युको खबर हिजो बिहीबार नै फैलिएपछि अस्पतालले विज्ञप्ति निकालेर मृत्यु नभइसकेको बताएको थियो।
प्रदेश ५ का सामाजिक विकासमन्त्री सुदर्शन बरालले आज विज्ञप्ति जारी गर्दै शिक्षकको मृत्युको पुष्टि गर्नुका साथै दुःख व्यक्त गरेका छन्। विज्ञप्तिमा भनिएको छ, ‘मदाने गाउँपालिका–६ निवासी ४१ वर्षीय शिक्षकको आज बिहान दुःखद निधन भएको छ। उहाँलाई बचाउन अनेकौं प्रयास गर्दा पनि बचाउन नसकिएकोमा निकै दुःखी छौं।’