२५ जना कोरोना संक्रमित थपिए

नेपालमा आज बुधबार कोरोना भाइरसका २५ जना संक्रमित थपिएका छन्। धनकुटा, कपिलवस्तु, नवलपरासी र बाँकेमा संक्रमित थपिएका हुन्।

नयाँ थपिनेमा तीनदेखि ४८ वर्षका सात महिला र १८ पुरुष रहेका छन्। योेसँगै नेपालमा कोरोना संक्रमितको संख्या ४२७ पुगेको छ। बाँकेमा ६, धनकुटामा ५, कपिलवस्तुमा १३  र नवलपरासी पश्चिममा १ जना संक्रमित थपिएका हुन्।

यसैगरी डिस्चार्ज हुनेको संख्या ४५ पुगेको छ। दुई जना कोरोना संक्रमितको भने मृत्यु भइसकेको छ।