कोरोनाबाट मृत्यु हुनेको संख्या ३ लाख १० हजार नाघ्यो

कोरोना भाइरसबाट मृत्यु हुनेको संख्या विश्वभर ३ लाख १० हजार नाघेको छ।

कोरोना भाइरसबारे विश्वव्यापी अपडेट गरिरहेको वेबसाइट वर्ल्डओमिटरका अनुसार यो भाइरसबाट संक्रमित हुनेको संख्या ४६ लाख ६२ हजार छ।

१७ लाख ७८ हजार भने कोरोना संक्रमित भएर पनि निको भएका छन्।

झन्डै ४५ हजार अहिले पनि गम्भीर बिरामी रहेको वर्ल्डओमिटरको तथ्यांक छ।

अहिलेसम्म सबैभन्दा बढी मृत्यु अमेरिकामा ८८ हजार ६ सयभन्दा बढीको भएको छ। त्यहाँ १४ लाख ८७ हजार संक्रमित भएका छन्।