विश्व स्वास्थ्य संगठन (डब्लुएचओ)ले कोरोना भाइरस कहिल्यै नष्ट नहुन सक्ने चेतावनी दिएको छ।
डब्लुएचओका आपतकालीन विभाग निर्देशक माइकल रयानले एक भर्चुअल प्रेस कन्फ्रेन्समा भने, ‘कोरोना कुनै एक क्षेत्रमा रहिरहन सक्छ। यो भाइरस कहिल्यै नष्ट नहुन पनि सक्छ।’ उनले एचआईभीको उदाहरण दिँदै यस्तो बताएका हुन्।
भ्याक्सिन बिना कोरोना भाइरस विरुद्ध प्रतिरोधी क्षमताको विकास हुन वर्षौं लाग्ने रयानको भनाइ छ।
त्यसो त कोरोनाको भ्याक्सिन बनाउने कोसिस भइरहेकै छ। कम्तिमा सय वटा यस्तो कोसिस जारी छ। तर, विज्ञहरुले नै यसको सफलतामा शंका व्यक्त गरिरहेका छन्।
बीबीसी