चन्द्रागिरीमा थपिए एक संक्रमित, कपिलवस्तुमा बालिकालाई संक्रमण

काठमाडौंको चन्द्रागिरीमा कोरोना भाइरसका एक जना संक्रमित थपिएका छन्। स्वास्थ्य मन्त्रालयका अनुसार थपिनेमा ३२ वर्षीय पुरुष छन्।

त्यसैगरी कपिलवस्तुमा ६ वर्षीया एक बालिकामा कोरोना संक्रमण पुष्टि भएको छ। दुवैको परीक्षण काठमाडौंको टेकुस्थित राष्ट्रिय जनस्वास्थ्य प्रयोगशालामा भएको थियो।

दुई जना थपिएसँगै नेपालमा कोरोना भाइरसका संक्रमितको संख्या २४५ पुगेको छ। यीमध्ये ३५ जना निको भएर घर फर्किसकेका छन्।