थिमी बस्ने कोरोना संक्रमित पुल्चोकको आरोग्य अस्पतालकी कर्मचारी, प्रहरीद्वारा अस्पताल सिल

मंगलबार राति कोरोना भाइरसको संक्रमण पुष्टि भएकी भक्तपुरकी युवती ललितपुरको आरोग्य अस्पतालमा कार्यरत रहेको खुलेको छ।

सुनसरीको रामधुनी नगरपालिका, झुम्का स्थायी ठेगाना भएकी २५ वर्षीया ती युवती भक्तपुरको नयाँ थिमीमा साथीको घरमा बसिरहेकी थिइन्।

कोरोना पुष्टि भएपछि उनलाई राति नै टेकु अस्पताल भर्ना गरिएको छ।

यसैबीच, प्रहरीले आरोग्य अस्पताल सिल गरेको छ।

भक्तपुरकै अर्का संक्रमित भने सशस्त्र प्रहरीका जवान हुन्। उनी नेकपा नेता भीम रावलको सुरक्षार्थ खटिएका थिए। तर, केही सातादेखि उनी विदामा थिए।