वीरगन्जमा सेना खटाएर लकडाउनमा कडाइ

पर्साको वीरगन्जमा नेपाली सेना परिचालन गरी लकडाउन कडा बनाइएको छ। मंगलबार दिउँसो ३९ जना र राति १८ जना नयाँ कोरोना संक्रमित फेला परेसँगै पर्सामा लकडाउन कडा बनाइएको हो।

शुक्रबार र शनिबार नेपाली सेनाको नेतृत्वमा ६ सय जनाको स्वाब संकलन गरिएकोमा ५७ जनामा कोरोना पुष्टि भएको हो।

संक्रमित बढेपछि मंगलबार साँझ बसेको जिल्ला प्रशासन कार्यालयको बैठकले जेठ ५ गतेसम्मका लागि निषेधाज्ञा लागू गर्ने निर्णय गरेको थियो।

वीरगन्जमा २ जना पत्रकारमा पनि कोरोना संक्रमण फेला परेपछि पत्रकारका सवारीसाधनमा पनि रोक लगाइएको छ।

प्रशासनले सुरक्षा निकाय र चिकित्सकबाहेक सबै सवारीसाधनमा जेठ ५ गते सम्मका लागि रोक लगाएको छ।