आफ्नो जन्मभूमि जाने बाटो नभएको भन्दै व्यास गाउँपालिका–१ को छाङ्गरु र तिङ्करका स्थानीय पशु चौपायासहित गाउँ जिल्ला प्रशासन कार्यालय दार्चुला पुगेका छन्।
छ महिना सदरमुकाम खलङ्गा र छ महिना व्यास उक्लिने दार्चुलाका व्यासीहरुले गाउँ फर्किन आफ्नो भूमि भएर बाटो नभएको भन्दै पशु चौपायासहित जिल्ला प्रशासन कार्यालयमा धर्ना दिएका हुन् ।
वैशाख पहिलो साता कुञ्चा सर्ने व्यासीहरु विगतमा भारतीय मार्ग हुँदै जाने गरेकोमा लकडाउनका कारण उनीहरु भारतीय भूमि भएर गाउँ जान पाएका छैनन् । नेपालतिरको बाटो मर्मत नहुँदा व्यासीहरु खलङ्गामा समस्यामा परेका छन्।
रासस