काठमाडौं- भारतको राजधानी दिल्लीमा आइतबार दिउँसो २ बजे भूकम्पको धक्का महशुस भएको छ।
दिल्लीमा एक महिनाको बीचमा तेस्रो पटक भूकम्पको धक्का महशुस गरिएको हो। साढे १ महिनादेखि लकडाउनमा रहेका दिल्लीवासीहरु पटकपटकको भूकम्पको धक्काले त्रसित बनेका छन्।
आइतबार दिउँसो ३.५ म्याग्नीच्युडको भूकम्प गएको जनाइएको छ।
पूर्वी दिल्लीमा केन्द्रविन्दु बनाएर गएको भूकम्पको धक्काले धेरै मानिसहरु घर बाहिर निस्किएका भारतीय सञ्चारमाध्यमहरुले जनाएका छन्।
५ किलोमिटरको गहिराईमा केन्द्रविन्दु रहेका कारण सानो स्केलको भूकम्प भए पनि ठूलो धक्का महशुस गरिएको जनाइएको छ।
यसअघि १२ र १३ अप्रिलमा पनि भूकम्पको धक्का महशुस गरिएको थियो।
१२ अप्रिलमा गएको भूकम्पको केन्द्र विन्दु जमिनबाट ८ किलोमिटर गहिराईमा थियो।
१३ अप्रिलमा गएको भूकम्पको केन्द्र भने ५ किलोमिटर गहिराईमै रहेको थियो।
आइतबार भूकम्पलगतै दिल्लीमा हावाहुरी चलेको थियो।