प्रदेश ५ : लकडाउनको डेढ महिनामा ११२ जनाले आत्महत्या गरे

प्रदेश ५ मा लकडाउनको अवधिमा आत्महत्या गर्नेको संख्या बढेको देखिएको छ ।

गएको चैत ११ गतेदेखि वैशाख २६ गते बिहानसम्मको तथ्यांक हेर्दा प्रदेश ५ को १२ जिल्लामा आत्महत्या गर्नेको संख्या गत वर्षको भन्दा बढी देखिएको हो।

प्रदेश प्रहरी कार्यलय दाङका प्रवक्ता डिएसपी नवराज पोखरेलका अनुसार अन्य अपराध घटिरहँदा आत्महत्या गर्नेको संख्या भने बढेको छ ।

उनका अनुसार गत बर्षको चैत महिनामा ६० जनाले आत्महत्या गरेका थिए । तर चालू वर्षको चैत ११ गतेदेखि २६ गतेको अवधिमा ११२ जनाले आत्महत्या गरेका छन् ।

यो अवधिमा रुपन्देहीमा १८, पश्चिम नवलपरासीमा १४, कपिलवस्तुमा १५, पाल्पामा ९, अर्घाखाँचीमा ३, गुल्मीमा १०, प्यूठामाा २, दाङमा २८, रोल्पामा ५, रुकुममा ३, बाँकेमा २ र बर्दियामा ३ जनाले आत्महत्या गरेका छन्।