काठमाडौं महानगरपालिका वडा नम्बर १४ सोल्टी मोडमा बा २१ च ४३४७ नम्बरको कार र बा ७२ प ८१७२ नम्बरको मोटरसाइकल आज बिहान एकआपसमा ठक्कर खाई दुर्घटना हुँदा मोटरसाइकल चालक मोरङ वेलबारी कानेपोखरी घर भएका २३ वर्षीय टिकाराज गेलालको मृत्यु भएको छ ।
दुर्घटनामा गम्भीर घाइते भएका गेलालको नेशनल अस्पताल कलंकीमा उपचारको क्रममा मृत्यु भएको हो । कार चालकलाई प्रहरीले नियन्त्रणमा लिएको छ ।
उता, काठमाडौं महानगरपालिका ३१ मद्रासी टोलस्थित खाजा घरमा सोही ठाउँ बस्ने रामेछाप देवीडाँडा घर भएका ४५ वर्षीय बाबुराम खड्का शुक्रबार बिहान मृत अवस्थामा फेला परेका छन् ।
दुवै घटनाका बारेमा अनुसन्धान भइरहेको प्रहरीले जनाएको छ।