भारतमा रेलले किचेर १६ प्रवासी मजदुरको मृत्यु

भारतमा रेलले किचेर १६ जना प्रवासी मजदुरको मृत्यु भएको छ। महाराष्ट्र राज्यको औरंगाबादमा मालवाहक रेलले किचेर उनीहरुको मृत्यु भएको हो ।

घटनास्थलमै १६ जनाको मृत्यु भएको छ भने गम्भीर घाइते पाँच जनालाई उपचारका लागि अस्पताल भर्ना गरिएको छ।

रेलको पटरी नजिकै सुतिरहेको अवस्थामा रेलले किचेको अनुमान गरिएको भारतीय सञ्चारमाध्यले जनाएका छन्। उनीहरु छत्तिसगढतर्फ पैदल गइरहेको जनाइएको छ।

सबै मजदुर औरंगाबादको एक स्टील फ्याक्ट्रीमा काम गर्दै आएको र लकडाउनपछि त्यहाँबाट हिँडेको बुझिएको छ। मृतकको नाम र कुन देशका हुन् भन्ने खुल्न सकेको छैन।