काठमाडौं– सप्तरीमा हात्तीको आक्रमणबाट महिलाको ज्यान गएको छ। शम्भुनाथ नगरपालिका–२ की ३८ वर्षीया जानकी मगरको हात्तीको आक्रमणबाट ज्यान गएको जिल्ला प्रहरी कार्यालय, सप्तरीले जनाएको छ।
हात्तीको आक्रमणबाट गम्भीर घाइते भएकी जानकीलाई उपचारका लागि राजविराजस्थित गजेन्द्रनारायण सिंह अस्पताल लैजाने क्रममा ज्यान गएको हो।
घरमा हात्ती प्रवेश गरेपछि पतिसँगै भाग्ने क्रममा उनलाई हात्तीले आक्रमण गरेको बताइएको छ।
हात्तीले स्थानीय दुई जनाको घरसमेत भत्काएको छ।