इरानमा पुनः दोहोरिँदै कोरोना कहर

पछिल्ला केही दिनमा इरानमा कोरोना भाइरस (कोभिड–१९) संक्रमण नियन्त्रणमा आउला जस्तो देखिएको थियो। तर, बुधबार एक हजार ६ सय ८० नयाँ संक्रमित देखिएपछि इरानमा चिन्ता बढेको छ।

यो आँकडा अप्रिल ११ पछि सबैभन्दा बढी हो । यससँगै इरानमा एक लाखभन्दा बढीलाई संक्रमण पुष्टि भइसकेको छ। यसले इरानमा कोरोना कहर पुनः फर्किएको बताइएको छ। किनकि पछिल्लो चार दिनमा संक्रमणको मामला लगातार बढिरहेको छ। इरानमा कोरोना भाइरसको दोस्रो चरण सुरु भएको बताइएको छ।

इरानको स्वास्थ्य मन्त्रालयका प्रवक्ता किअनोउस जहाँपोरले भनेका छन्, “पछिल्लो तीन–चार दिनमा संक्रमणको मामला बढिरहेको हामीले देखिरहेका छौं। देशमा गैर–जरुरी यात्राका कारण संक्रमणको मामला बढिरहेको हुन सक्छ।”

इरानमा अप्रिल ११ देखि लकडाउनमा विभिन्न प्रकारका छुट दिइएको थियो। कम जोखिम भएका क्षेत्रमा मस्जिद पनि खोलिएको थियो।

पछिल्लो २४ घन्टामा कोरोना संक्रमणबाट इरानमा ७८ जनाको ज्यान गएको छ। यससँगै इरानमा कोरोनाबाट ज्यान गुमाउनेको संख्या ६ हजार चार सय १८ जना पुगिसकेको छ।

बीबीसी