शनिबार, असार २७, २०७७

खेलकुद

ईपीएलमा बर्नलीको संघर्षपूर्ण जित

159348528774384701_620462048558964_59528.jpg

एजेन्सी – इंग्लिस प्रिमियर लिग(ईपीएल) अन्तर्गत गएराति सम्पन्न खेलमा बर्नलीले संघर्षपूर्ण जित निकालेको छ।

किस्टल प्यालेसको घरेलु मैदानमा सम्पन्न खेलमा घरेलु टिमलाई हराउँदै बर्नलीले १–० गोलको जित निकालेको हो।

निकै प्रतिस्पर्धात्मक खेलको पहिलो हाफ गोरहित बराबरीमा रोकिएको थियो। तर दोस्रो हाफको ६२ औं मिनेटमा पाहुना टोलीका बेल मीले गोल गर्दै क्लबलाई सुरुवाती अग्रता दिलाए। उनले वेस्टवुडको पासलाई गोलमा परिणत गरेका थिए।

मीको गोलसँगै बर्नलीले खेलमा जित निकालेको छ। जितका साथ अंक तालिकामा स्थान सुधार गरेर ४५ अंकसँगै आठौं स्थानमा पुगेको छ। एक खेल कम खेलेको शेफिल्ड युनाइटेड

४४ अंकका साथ नवौं स्थानमा छ। यता हारको सामना गरेको किस्टल प्यालेस ४२ अंकका साथ ११ औं स्थानमा छ।

ईपीएल अन्तर्गत आज ब्राइटोनले म्यानचेस्टर युनाइटेडसँग राति १ बजे फल्मर रंगशालामा प्रतिस्पर्धा गर्नेछ।

प्रतिक्रिया दिनुहोस्