काठमाडौं - बजार भाउ भन्दा बढी मूल्यमा सिमेन्ट बिक्री गरेको अभियोगमा जनकपुर उपमहानगरपालिका(४ स्थित चन्दन आयरन स्टोरका संचालक पक्राउ परेका छन्। पक्राउ पर्नेमा सोही ठाउँ बस्ने १९ वर्षीय चन्चल चौधरी हुन्।
बजार भाउ भन्दा बढी मूल्यमा सिमेन्ट बिक्री गरेको भन्ने सूचनाको आधारमा जिल्ला प्रहरी कार्यालय र प्रहरी चौकी जिरोमाईलबाट खटिएको प्रहरीले पसलबाट ५० बोरा र पसल नजिकै रहेको गोदामबाट विभिन्न ब्रान्डका ३ सय ७० बोरा सिमेन्ट फेला पारी उक्त पसल र गोदामसमेत सिलबन्दी गरी संचालक चौधरीलाई निन्त्रणमा लिएको हो।