कोरोनाबाट ज्यान गुमाउनेभन्दा निको हुने धेरै

कोरोना भाइरस (कोभिड–१९)को संक्रमणबाट ज्यान गुमाउनेभन्दा निको हुने धेरै छन्।

समाचार एजेन्सी अलजजिराका अनुसार कोरोना संक्रमण पुष्टि भएकामध्ये ११ लाख निको भएका छन् भने दुई लाख ४७ हजारको ज्यान गएको छ। कोरोना भाइरसबाट अमेरिकामा सबैभन्दा बढीले ज्यान गुमाएका छन्। त्यसपछि क्रमशः इटाली, बेलायत, स्पेन र फ्रान्समा ज्यान गुमाउने धेरै छन्।

निको हुने पनि अमेरिकामा सवैभन्दा बढी छन्।

अहिलेसम्म कोरोना भाइरसबाट ३५ लाखभन्दा बढीलाई संक्रमण पुष्टि भएको छ।

यसैबीच, अमेरिकी विदेशमन्त्री माइक पोम्पियोले चीनको एक ल्याबमा कोरोना भाइरसको उत्पत्ति भएको ‘भारी सबूत’ रहेकाले चीनसँग तनाव बढ्ने सम्भावना रहेको बताएका छन्।

एजेन्सी