काठमाडौं– पछिल्लो २४ घण्टामा देशभर ९९४ जनामा कोरोना संक्रमण पुष्टि भएको छ भने सोही अवधिमा १२ जना संक्रमितको मृत्यु भएको छ। स्वास्थ्य तथा जनसंख्या मन्त्रालयका अनुसार पीसीआर परीक्षणबाट ७७७ जना र एन्टिजेन परीक्षणबाट २१७ जनामा संक्रमण पुष्टि भएको हो।
२४ घण्टामा जम्मा ९ हजार ८४० जनाको परीक्षण भएको छ। मन्त्रालयका अनुसार २४ घण्टामा १ हजार ३६८ जना कोरोनामुक्त भएका छन्। शनिबार देशभर २७ हजार ३५५ जना सक्रिय संक्रमित रहेका छन्।