पुनः सुरु हुँदै एमाले स्थायी कमिटी बैठक

काठमाडौं-  नेकपा एमालेको स्थायी कमिटी बैठक शनिबार अपरान्ह ३ बजे फेरि सुरु हुने भएको छ। शनिबार बिहान ९ बजेदेखि बसेको बैठक खाना खानका लागि दिउँसो केही समय स्थगित भएको तर अब पुनः ३ बजे सुरु हुने भएको एमाले नेता प्रदीप ज्ञवालीले जानकारी दिए। 

‘बिहान ९ बजेदेखि बैठक बसेको थियो। अहिले खाना खानका लागि स्थगित गरिएको छ। अब आजै अपरान्ह ३ बजे फेरि बस्दैछ’, उनले भने। 

बिहान बसेको बैठकमा पार्टीको १०औँ महाधिवेशनमा सहभागी हुने प्रतिनिधिबारे छलफल भएको छ। यसबारे निर्णय लिन फेरि अपरान्ह ३ बजे बस्ने गरी बैठक स्थगित गरिएको हो।