काठमाडौं- सुलभ अग्रवाल अदालतबाट रिहा भएलगत्तै पुनः पक्राउ परेका छन्।
कालोबजारी आरोपमा २५ लाख ५० हजार धरौटी बुझाएर काठमाडौं जिल्ला अदालतबाट रिहा भएका अग्रवाललाई प्रहरीले पुनः पक्राउ गरी सम्पत्ति शुद्धिकरण विभागलाई बुझाएको छ।
महानगरीय प्रहरी परिसर काठमाडौंका एसपी सोमेन्द्र सिंह राठौरले अग्रवाललाई सम्पत्ति शुद्धिकरण विभागको जिम्मा लगाइएको जानकारी दिए।
अग्रवालविरुद्ध सम्पत्ति शुद्धिकरण विभागलेसमेत छानबिन थालेको छ।