काठमाडौं- तिब्र गतिमा फैलिएको कोरोना भाइरसबाट भारतमा २४ हजार ४ सय ४७ जना संक्रमित भएका छन् ।
शुक्रबार मात्रै १ हजार ४ सय ९६ जनामा कोरोना पुष्टि भएको छ । बिहीबार १ हजार ६ सय ६९, बुधबार १ हजार २ सय ९०, मंगलबार १ हजार ५ सय ४१, सोमबार ९ सय २४, आइतबार १ हजार २ सय ५० र शनिबार २ हजार १३ जनामा कोरोनाको संक्रमण भेटिएको थियो ।
पछिल्लो एक हप्तामा भारतमा औसतमा १४ सय भन्दा बढि कोरोना संक्रमित हरेक दिन भेटिएको छ । यो भनेको प्रत्येक एक मिनेटमा एक नयाँ संक्रमित फेला पर्नु हो ।
यस्तै भारतमा मृत्युदर पनि दिनहुँ बढि राखेको छ । शुक्रबार मात्रै कोरोनाबाट ५९ जनाको मृत्यु भएको छ भने बिहीबार ४०, बुधबार ३६ जनाले ज्यान गुमाएका छन् ।
जोन हपकिन्स विश्वविद्यालयका अनुसार भारतमा अहिलेसम्म कोरोनाबाट ७ सय ८० जनाको मृत्यु भएको छ ।