सशस्त्र प्रहरी बल सुर्खेतमा कार्यरत सशस्त्र प्रहरी सहायक निरीक्षक (असई) नदीमा वेपत्ता भएका छन्। असई भुपाल बिक्रम कार्की भेरी नदीमा नुहाउने क्रममा बगेर बेपत्ता भएका हुन्।
शुक्रबार गुर्भाकोट नगरपालिका मेहलकुना सिटि हलमा रहेको क्वारेन्टाइनमा डिउटीमा खटिएका कार्की दिउँसो भेरी नदीमा नुहाउने क्रममा बेपत्ता भएको सशस्त्र प्रहरी उपरीक्षक दिल बहादुर पन्तले जानकारी दिए। गुमी बेस क्याम्पमा रहेका कार्की मेहलकुना सिटिहलमा निर्मित क्वारेन्टाइनमा खटिएका थिए ।
बेपत्ता सशस्त्र प्रहरी सहायक निरीक्षक कार्कीको खोजी कार्यका लागि जिल्लाबाट सशस्त्र प्रहरीको टोली, शम्शेरगज नेपालगन्जबाट आएको गोताखोरको टोली ,नेपाल प्रहरीको टोली लागिपरेको सशस्त्र प्रहरी उपरीक्षक पन्तले बताए ।