वीपी कोइराला स्वास्थ्य विज्ञान प्रतिष्ठानका रजिष्ट्रारको राजीनामा स्विकृत

काठमाडौं– वीपी कोइराला स्वास्थ्य विज्ञान प्रतिष्ठानका रजिष्ट्रार डा. मोहनचन्द्र रेग्मीले दिएको राजीनामा सरकारले स्वकीकृत गरेको छ। 

प्रतिष्ठानका कुलपतिसमेत रहेका प्रधानमन्त्री तथा स्वास्थ्यमन्त्री शेर बहादुर देउवाले रेग्मीको राजीनामा बिहीबार स्वीकृत गरेका हुन्। 

प्रतिष्ठानमा भएको अनियमितता तथा बेथितिमा रजिष्ट्रारसहितका पदाधिकारीको संलग्नता रहेको छानबिनका क्रममा फेला परेपछि उनीहरूको राजीनामा माग भएको थियो। रेग्मीले भदौ ११ गते राजीनामा दिएका थिए। 

प्रतिष्ठानका चिकित्सक तथा कर्मचारीहरूले प्रतिष्ठानको बेतिथीविरुद्ध गत असार १ देखि आन्दोलन गर्दै आएका छन्। पदाधिकारीकमो राजीनामा माग भए पनि रजिष्ट्रारबाहेक अन्य पदाधिकारीले राजीनामा दिन अटेरी गरिहेका छन्।