कोरोना अपडेट : विश्वभर साढे ९५ हजारको मृत्यु, भारतमा ६ हजार संक्रमित

कोरोना भाइरसका कारण विश्वभर मृत्यु हुनेको संख्या ९५ हजार नाघेको छ।

अमेरिकाको जोन हप्किन्स विश्वविद्यायलाई उद्धृत गर्दै बीबीसीले जनाएअनुसार दुई सयभन्दा बढी देशमा फैलिएको यो भाइरसबाट मर्नेको संख्या शुक्रबार बिहानसम्म ९५ हजार ५ सय ६ पुगेको छ। त्यसैगरी संक्रमितको संख्या १५ लाख ९६ हजार ४ सय ९६ छ भने ३ लाख ५४ हजार उपचारपछि निको भएका छन्।

अमेरिकामा सबैभन्दा बढी ४ लाख ६२ हजार १ सय ३५ संक्रमित छन्। त्यहाँ मृतकको संख्या १६ हजार ५ सय १३ पुगेको छ। सबैभन्दा बढी न्युयोर्कमा ५ हजार १ सय ५० को ज्यान गएको छ।

इटालीमा पनि कोरोनाको कहर रोकिएको छैन। त्यहाँ अहिले पनि १ लाख ४३ हजार ६ सय २६ जना संक्रमित छन्।

भारतमा करिब ६ हजार संक्रमित छन् भने १६९ जनाको मृत्यु भएको छ।