तीन महिनापछि खुल्यो तातोपानी नाका

काठमाडौं – नेपालको चीनसँगको प्रमुख सीमानाका तातोपानी पुनः सञ्चालनमा आएको छ। गत माघ १३ गतेदेखि सो नाका बन्द भएको थियो। कोभिड–१९ को जोखिम हुन नदिन नाकामा ‘हेल्थ डेस्क’ सञ्चालन गरी बुधबारदेखि नाका खोलिएको सिन्धुपाल्चोकका प्रमुख जिल्ला अधिकारी उमेशकुमार ढकालले जानकारी दिए।

उनले बुधबार नाकाबाट १९ बाकस मास्क र १० बाकस सेनिटाइजर भित्रिएको बताए। अत्यावश्यक सामग्री आयात गर्न नाका खोलिएको ढकालले बताए।