साढे दुई महिनापछि वुहानको लकडाउन खुल्यो

कोरोना भाइरसको इपिसेन्टर चीनको वुहानमा लागेको लकडाउन ७६ दिनपछि हटेको छ। अझै पनि केही प्रतिबन्ध कायम छन् र संक्रमणको सम्भावना पूर्ण रुपमा कम नभएको बताइएको छ।

सीएनएनका अनुसार बुधबारदेखि त्यहाँ मानिसहरुलाई वुहान छाड्न अनुमति दिइएको छ। रेलमार्ग सुचारु भएको छ, हवाई उडान हुन थालेको छ र राजमार्ग खुला गरिएको छ।

पछिल्लो साता चीनमा नयाँ संक्रमण शून्य छ।