कोरोनाविरुद्ध लड्न नेयमारले गरे ७ लाख ५० हजार पाउन्ड सहयोग

ब्राजिलियन फरवार्ड नेयमारले कोरोनाविरुद्ध लड्नका लागि ७ लाख ५० हजार पाउन्ड सहयोग गरेका छन्। पीएसजी स्टार नेयमारले सेवासम्बन्धी एजेन्सी युनिसेफमार्फत् ठूलो रकम सहयोग गरेका हुन्।

सर्वाधिक महँगा फुटबलरका रुपमा चिनिएका नेयमारले युनिसेफका साथै सेलिब्रेटीले स्थापना गरेको सोलिडारीटी फन्डमा पनि रकम हस्तान्तरण गरेका छन्। उनले सहयोग गरेको रकम कोभिड १९ का विरामीको उपचार र रोगको फैलावटबाट सिकार भएकालाई सहयोग गर्नका लागि प्रयोग गरिने बताइएको छ।

नेयमारका बार्सिलोनाका टिममेट लियोनल मेस्सी, युभेन्ट्सका फरवार्ड क्रिस्टियानो रोनाल्डो लगायतका खेलाडीले पनि कोरोनाविरुद्ध ठूलो रकम सहयोग गरेका छन्।