भैरहवा– कोरोना भाइरसका कारण कारण लकडाउन भएपछि कामविहीन भएका मजदुरहरु आफ्नो घर जाने क्रममा सीमामा अलपत्र परेपछि तिनीहरुको नेपाल सरकारले उद्धार गरेको छ ।
नेपालका विभिन्न ठाउँमा ज्याला मजदुरी गरेर जिविकोपार्जन गर्ने भारतीय नागरिकहरु लकडाउनका कारण सबै कामकाज बन्द भएपछि जन्मथलो भारत जान हिँडेका थिए ।
सवारी साधन नचले पनि पैदल यात्रा गर्दै काठमाडौं, पाल्पा, नारयणगढ, धादिङ लगायतका ठाउँबाट आएका उनीहरुलाई रुपन्देही प्रशासनले उद्धार गरेर प्रतिमान नीमा प्राविधिक कलेजमा बनाइएको क्वारेन्टाइनमा राखिएको रुपन्देही प्रमुख जिल्ला अधिकारी महादेब पन्थले बताए ।
क्वारेन्टाइनमा राखिएकाहरुलाई खाने बस्ने र स्वास्थ्य लगायत आवश्यक सबै प्रबन्ध सिद्धार्थनगर नगरपालिकाले गरेको नगरपालिकाका वरिष्ठ अधिकृत गणेश क्षेत्रीले बताए ।
उद्धार गरिएकाहरु सबै मजदुर हुन्। क्वारेन्टाइनमा प्रवेश गर्नु अघि उनीहरु सबैको स्वास्थ्य जाँच गरिएको थियो ।