इंग्ल्यान्डको क्रिकेट टोलीका विकेटकिपर जोस बटलरले विश्वकप फाइनल खेल्दा प्रयोग गरेको जर्सी लिलामी गर्ने भएका छन।
उनले लिलामीबाट आएको रकम कोरोनाभाईरस (कोभिड-१९) को जोखिमविरुद्द लड्नका लागि अस्पताललाई सहयोग गरिने बताएका छन।
‘रोयल ब्रम्प्टन र हारफिल्ड हस्पिटलका लागि कोष संकलन गर्न मैले विश्वकप फाइनलमा लगाएको टी-सर्ट लिलामीमा राखेको छु,’ उनले सामाजिक सञ्जाल ट्विटरमा भनेका छन, ‘गत साता ती अस्पतालले जीवन रक्षाका उपकरण उपलब्ध गराउन आपतकालीन सहयोग माग गरेका थिए।’
बढाबढ हुँदै जाँदा मंगलबार रातिसम्ममा उनको जर्सीको मूल्य ६१ हजार १०० पाउन्ड पुगेको छ।
उक्त टी(सर्टमा विश्वकप स्क्वाडमा रहेका सबै खेलाडीले हस्ताक्षर गर्ने बताइएको छ।
विश्वकप फाइनलमा बटलरले स्ट्याम्पमा प्रहार गर्दै न्युजिल्यान्डका मार्टिन गुप्तिललाई रन आउट गराएका थिए। त्यससँगै फाइनल खेल सुपर ओभरमा लम्बिएको थियो। सुपर ओभरमा न्युजिल्यान्डलाई हराउँदै इंग्ल्यान्डले पहिलोपटक एक दिवसीय विश्वकप जितेको थियो।