कोरोना भाइरसका कारण मृत्यु हुनेको संख्या विश्वभर ४२ हजार नाघेको छ। जोन हप्किन्स युनिभर्सिटीलाई उद्धृत गर्दै बीबीसीले जनाएअनुसार यसबाट संक्रमित हुनेको संख्या साढे ८ लाख नाघेको छ।
अहिले सबैभन्दा बढी संक्रमित अमेरिकामा १ लाख ८८ हजारभन्दा बढी छन्। त्यहाँ ३ हजार ८ सयभन्दा बढीको मृत्यु भइसकेको छ। कोरोनाबाट सबैभन्दा बढी मृत्यु इटालीमा १२ हजारभन्दा बढीको भएको छ ।
विश्व स्वास्थ्य संगठनका अनुसार चीनबाट सुरु भएको यो भाइरस विश्वकमा दुई सयभन्दा बढी देशमा फैलिसकेको छ।