लकडाउनमा थप कडाइ गरिने, देशभर ८७ जना आइसोलेसनमा

सरकारले लकडाउनको कार्यान्वयनमा अझ कडाइ गर्ने भएको छ। उपप्रधान तथा रक्षामन्त्री ईश्वर पोखरेल संयोजकत्वको कोभिड १९ नियन्त्रण तथा रोकथाम उच्चस्तीय समितिले लकडाउनमा अझ कडाइ गर्ने निर्णय गरेको हो।

स्व्वास्थ्य तथा जनसंख्या मन्त्रालयको दैनिक प्रेस ब्रिफिङमा मन्त्रालयका प्रवक्ता विकास देवकोटाले देशभर कोरोनाको आशंकामा ८७ जना आइसोलेसनमा रहेको जानकारी दिए। १० जना काठमाडौं र ७७ जना प्रदेशमा आइसोलेसनमा रहेको देवकोटाले बताए।

टेकु अस्पतालमा कोरोनाको आशंकामा १० जना भर्ना भएको स्वास्थ्य तथा जनसंख्या मन्त्रालयले जनाएको छ। अहिलेसम्म टेकुस्थित राष्ट्रिय जनस्वास्थ्य प्रयोगशालामा कोरोना आशंकामा एक हजार ६० जनाको कोरोना परीक्षण भएको छ।