एक महिनाको भाडा नलिन घरबेटीलाई सरकारको आग्रह

सरकारले श्रमिक डेरावालासँग एक महिनाको घरभाडा नलिन सम्पूर्ण घरबेटीलाई आग्रह गरेको छ। मन्त्रिपरिषदको आइतबार साँझ बसेको बैठकले गरेका निर्णयबारे जानकारी दिने क्रममा सरकारका प्रवक्ता तथा अर्थमन्त्री डा. युवराज खतिवडाले यस्तो आग्रह गरेका हुन्।

त्यसैगरी सरकारले निजी विद्यालयले एक महिनाको शुल्क लिन नपाउने निर्णय गरेको छ। सरकारले जारी देशव्यापाी लकडाउन चैत २५ गते मंगलबार राति १२ बजेसम्मका लागि थप गर्ने निर्णय पनि गरेको छ।