बारा –लकडाउनका समयमा बाहिर ननिस्कन आग्रह गर्ने प्रहरीमाथि कुटपिट भएको छ। लकडाउनका समयमा क्रिकेट नखेली घरमा बस्न सुझाव दिने प्रहरीमाथि आइतबार परवानीपुर गाउँपालिका-५ गण्डक चोकमा कुटपिट भएको हो।
प्रहरीमाथि कुटपिट गरेको अभियोगमा सोही गाउँपालिका नौतन बहुअरी बस्ने २७ वर्षीय गणेश कुमार साहलाई प्रहरीले आइतबार पक्राउ गरेको छ।
ईलाका प्रहरी कार्यालय प्रसौनीबाट डिउटीमा खटिएको प्रहरीले साहसमेत ८/९ जनालाई लकडाउनको समयमा क्रिकेट खेल्न हुँदैन भनी सम्झाउने क्रममा साहले क्रिकेट खेल्ने ब्याटले प्रहरीलाई प्रहार गरेपछि उनलाई पक्राउ गरिएको हो। ब्याट प्रहारबाट एकजना प्रहरी हवल्दार घाइते भएका छन्।