सुर्खेत– कर्णाली प्रदेश सरकारले स्थापना गरेको प्रदेश विपद् व्यवस्थापन कोषमा सिद्धार्थ बैंक कर्णाली प्रदेश कार्यालयले १० लाख रुपैयाँ सहयोग गरेको छ ।
कोरोना भाइरस (कोभिड १९) रोकथाम तथा नियन्त्रण कार्यका लागि कर्णाली प्रदेश सरकारले स्थापना गरेको प्रदेश विपद् व्यवस्थापन कोषमा बैंकले दश लाख रुपैयाँ जम्मा गरेको हो । मुख्यमन्त्रीका प्रेस सल्लाहकार ध्रुव बुढाथोकीका अनुसार प्रदेश सिद्धार्थ बैंकको तर्फबाट बैंकका प्रदेश कार्यालय प्रमुख रञ्जन कोइरालाले आज १० लाखको चेक हस्तान्तरण गरेका हुन् ।
यस्तै विपद व्यवस्थापन कोषमा दैलेखको नौमुले गाउँपालिका–३, द्वारी दैलेख निवासी पदमबहादुर बिश्वकर्माले व्यक्तिगत रुपमा ५१ हजार रुपैयाँको चेक मुख्यमन्त्री महेन्द्रबहादुर शाहीलाई हस्तान्तरण गरेको बुढाथोकीले जानकारी दिए । कोरोनाको प्रतिकार्यका लागि कर्णाली प्रदेश सरकारले स्थापना गरेको विपद कोषमा उद्योग, व्यवसायी, जनप्रतिनिधि लगायतलाई सहयोगको अपिल गरेको छ ।