कञ्चनपुर- कञ्चनपुर जिल्ला प्रशासन कार्यालयले जिल्लाभर सञ्चालित तरकारी बजारसमेत बन्द गराएको छ।
कोरोना भाइरस (कोभिड–१९) महामारीको संक्रमण बढ्दै गएको भन्दै जिल्ला प्रशासन कार्यालयले जिल्लाभर सञ्चालित तरकारी बजारहरुसमेत अर्को आदेश जारी नभएसम्मका लागि पूर्ण रुपमा बन्द गर्न निर्देशन दिएको हो।
शनिबार एक सूचना जारी गर्दै जिल्ला प्रशासन कार्यालयले यस्तो आदेश जारी गरेको हो।
शुक्रबार सुदूरपश्चिम प्रदेशको कैलाली जिल्लास्थित धनगढीमा एक जना बिरामीमा कोरोना भाइरसको संक्रमण पुष्टि भएको थियो।