चीनले दिएको कोरोना परीक्षण किट्स ल्हासा आइपुग्यो, आज राति नेपाल आउने

काठमाडौं- चीन सरकारले दिएको कोरोना परीक्षण किट्स आज (शनिबार) रातिसम्ममा नेपाल आउने भएको छ ।

दुई हजार थान किट्स बोकेर गाडीहरु ल्हासाबाट तातोपानी नाकातर्फ अघि बढेको तातोपानी भन्सार कार्यालयले जनाएको छ । किट्स बोकेका गाडीहरु शुक्रबार ल्हासा आइपुगेको थियो ।

हिजै ९शुक्रबार० तातोपानी नाका हुँदैं नेपाल आउने भनिएतापनि बेइजिङबाट ढिला उडान भएका कारण ती सामाग्री ल्हासा आइपुगेको तातोपानी भन्सार कार्यालय प्रमुख लाल बहादुर खत्रीले जानकारी दिए ।

उनका अनुसार किट्स बोकेका गाडीहरु नेपालतर्फ अघि बढिसकेका छन् । आजै राति वा भोलि (आइतबार) बिहानसम्ममा नेपाल आइपुग्ने छन् ।

ल्हासाबाट खाशाको दुरी लगभग ६ सय ५० किलोमिटर छ भने खाशाबाट तातोपानी भन्सार जम्मा १० किलोमिटर मात्रै छ ।

किट्स उत्पादक कम्पनीका महाप्रबन्धक वाङ गुओपिङले करिब ३६ लाख नेपाली रुपैयाँ बराबरका उक्त सामग्री बुधबार बेइजिङस्थित नेपाली दूतावासलाई हस्तान्तरण गरेका थिए ।