काठमाडौं– कोरोना भाइरस (कोभिड–१९)को संक्रमणमा परेकी १९ वर्षीया युवतीको परिवारका सदस्यहरूको रिपोर्ट नेगेटिभ आएको छ।
युवतीसँग प्रत्यक्ष सम्पर्क भएका परिवारका ६ जना सदस्यमा कोरोना संक्रमण नदेखिएको शुक्रराज ट्रपिकल तथा सरुवारोग अस्पतालका प्रवक्ता अनुप बास्तोलाले नेपाल समयलाई जानकारी दिए ।
बास्तोलाका अनुसार युवतीको अवस्था सुधारोन्मुख छ। उनको आज छातीको एक्सरे गरिएको छ। युवतीको दोस्रो परीक्षणको रिपोर्ट आउन बाँकी छ। उनी केही दिन अघिमात्रै फ्रान्सबाट आएकी थिइन्।