अवैध लागूऔषध सहित तीनजना पक्राउ

काठमाडौं– बुढानिलकण्ठ नगरपालिका–११ कपन पैयुँटारबाट अवैध लागूऔषध गाँजा करिब ५ सय ग्रामसहित २ जनालाई प्रहरीले पक्राउ गरेको छ।

पक्राउ पर्नेहरुमा उदयपुर बेलका नगरपालिका–१ घर भई काठमाडौं चाबहिल बस्ने २४ वर्षीय अरुण खड्का र दाङ घर भई ललितपुर एकान्तकुना बस्ने २३ वर्षीय सबल केसी छन्।
महानगरीय प्रहरी प्रभाग कपनबाट खटिएको प्रहरीले उनीहरुलाई बिहीबार लागूऔषध सहित पक्राउ गरेको जनाएको छ।

यस्तै सिरहा, मिर्चैया नगरपालिका–८ बाट अवैध लागूऔषध ब्राउनसुगर करिब ४ ग्राम र नगद १५ हजार १ सय ३० रुपैयाँ सहित एक जनालाई प्रहरीले पक्राउ गरेको छ।
पक्राउ पर्नेमा नरहा गाउँपालिका–३ का २२ वर्षीय सुन्दर कुमार सिंह रहेको ईलाका प्रहरी कार्यालय मिर्चैयाले जनाएको छ।प्रहरीले स.२प ९२ नम्बरको मोटरसाइकल जाँच गर्ने क्रममा मोटरसाइकलमा सवार सिंहलाई पक्राउ गरेको जनाएको छ।